Textos em português e esperanto. Tekstoj en la portugala kaj en Esperanto.

Obrigada por sua visita! Dankon pro via vizito!

sexta-feira, 26 de julho de 2013

Provludo




                             
Mi pluiras en aleon...
Griza pluv’ kontinua
Reĝisoras simfonion
El flugilhavaj flutoj
Plorsingulte.

Plaŭda vento plukas
Florfoliojn spirale
Kaj la tuta ĝarden’
Printempe sopiras.

Subite birdar’
Petole ekkantas
Spite al pluvo frida...
Do lum’ silentajn vortojn tuŝas.
En aleon mi pluiras...

Maria Nazaré Laroca
Juiz de Fora, 26/07/2013

4 comentários:

elasolak@gmail.com disse...

Tre bele.

Blogdopaulo disse...

La delikata ritmo de la poemo shajnas imiti la delikatan faladon de pluvgutoj kaj de pashoj lau la aleo. Dume, la poeto meditas...
Aparte belaj estas la versoj:

" Plaŭda vento plukas
Florfoliojn spirale"

Gratulon varman!
PSV



Josenilton kaj Madragoa disse...

Laŭ la viveco de la priskribo, ŝajnas, ke la poetino estas la aleo mem, kiu pluiras. Ŝajnas, ke la aleo kunfandiĝas kun la poetino kaj reciproke.

Lírica disse...

Gratulon, poetino kara!
La delikateco de viaj versoj teksas ian magian sxalon kaj varmigas la koron...