Pluen
Esperanto, amletero
liverita al la homaro
de l’ amema kuriero
el la kor’ de ĉies Frato!
Sed min trafis la donaco
nur en la jar’ du mil tri,
kiam voĉo en la kapo
aŭdiĝis tute surprize.
Pli ol propono jen ordono
por nepra studo de l’ lingvo
internacia, por ĉiam!
Malfermiĝis horizonto
per la magia ŝlosilo!
Mi traveturis la mondon
kaj kun multoj amikiĝis.
En pluraj mondaj kongresoj
partoprenis mi plezure,
kaj verdan kulturon festis
kun granda ĝojo kaj ĝuo!
Emociajn travivaĵojn
mi spertis en Bjalistoko
kaj en Bulonjo-ĉe-Maro,
ja neforgesebla gloro!
Tamen venis sortobatoj,
kaj mia vivo ŝanĝiĝis;
pro la dolor’ senkompata
al mi ne eblas foriri.
Ho, ve! Kia elreviĝo!
Ne plu kongresaj ĉeestoj,
sed l’aferon mi daŭrigas
entuziasme, amplene,
per poezia verdiĝo.
Maria Nazaré Laroca
Juiz de Fora, 09/01/2023.
NAZARÉ KAREGA! MI PREG'AS POR KE VIA DOLORO TUJ FINIG'OS POR PARTOPRENI EN UK-TORINO KAJ TAKE-FORTALEZA. DIO VIN BENU! ELKORE VIN SALUTAS KAJ KISAS AMARÍLIO-BARRA DO GARÇAS - MT
ResponderExcluirVia amplena kaj entuziasma vojo per poezia verdiĝo eterne daŭras, ĉar ĝi okazas nun, nura, unika, sola tempo ekzistanta.
ResponderExcluir(Paulo P Nascentes)
ResponderExcluirDankon pro la belega kaj kortuŝa poemo. Forton al vi kaj daŭrigu emociigante nin per via arto.
ResponderExcluirEsti invitata partopreni de Esperanto estas honoro, sed akcepti la inviton kaj gustumi tiun saporon rafinitan jen defio tute speciala al poetoj...
ResponderExcluirKoran dankon, Nazaré!
Vere ni neniam estos apartigitaj, amikino.
Esperanto donas specialan sencon al la vivo, kara Poeto. Ghi mildigas suferojn, ghi konsolas. Viaj versoj kortushas samideanojn tra la mondo! (PSV)
ResponderExcluirBele, amikino!
ResponderExcluir