Ankoraŭ

 

Hieraŭ

Hodiaŭ

Morgaŭ

Ĉiam.

 

Ja ĉe mi

Vivtransir’

Laŭas nur

Per ankoraŭ.

 

Maria Nazaré de C. Laroca

Rio de Janeiro, 18/05/2013.

 

 

 

 

Tango

Vespero.

Ve!

Espero.

Vango.

Lango.

Sango.

Tango.

Gento.

Sento.

Tento.

Ento.

Oro.

Korno.

Dorno.

Koro.

Vorto.

Sorto.

Korto.

Morto.

Maria Nazaré de C. Laroca

Juiz de Fora, 12/05/2013.

Poetino

Antaŭ ol ŝi patriniĝis

Ekstaze ŝi poetis

Preskaŭ religie.

Pro tio ŝia viv’

Ĝue multobliĝis.

Neglektis patrin’

La gefilojn neniam

Tamen pri vortoj

Avide ŝi zorgas. 

  

La taskon sekretan

De l’ floroj kaj kolibroj

Ŝi ame kontrolas

Kaj  mondon magian

Paralelan spertas.

Ŝi flugas tra stelar’,

Kaj allogas marojn;

Dorlotas sunon,

Dancas kun plenlun’.

Ŝi kiam filo ploras,

Kuracas lin per kis’.

Kiam vundiĝas koroj

Ŝi naskas poezion:

Jen balzam’ patrina.

Maria Nazaré de C. Laroca

Juiz de fora, 11/05/2013. 

Sonato

La okuloj agresitaj

De tiom da blank'

De l' hospital' frida:

Olda paĉjo malsanas.

Vesperiĝas nun.

Mi lace hejmeniras

Kaj  atendas enue

Krepuskon grizan.



Subite mi ekvidas

Senstelan ĉielon

El turkiso juvelon

Kaj l' anim' helbluas:

Sonoriloj anĝelusas.


Maria Nazaré de C. Laroca
Juiz de Fora, 09/05/2013

Cena bucólica _ Kampa sceno

Cena bucólica

Suavidade em azul,
deidade campestre.
Leveza bucólica
de um poema
a ler-se Poesia.


Kampa sceno

Mildec' el blu',
diin' arbara.
Boska delikatec'
de poemo
kiu legas sin
Poezie.

Maria Nazaré de C. Laroca
Juiz de Fora, 06 /05/2013.

Banquete_ Festeno

Banquete

Trufa de chocolate
é o paraíso
no céu da boca:
céu na boca.

Festeno

Ĉokoladtrufon
ĝuas palato:
ĉielas  buŝo,
lango paradizas.

Maria Nazaré de C. Laroca
Juiz de Fora, 03/05/2013



.

Traição _ Perfido

Traição

Leio "A corista"
de Chekhov,
magistral contista
que desvenda
o ridículo insano
da condição humana.

E uma questão
n'alma se agita:
o que  homens
brilhantes buscam
em mulheres 
docemente
medíocres?


Perfido

Mi legas etrakonton:
"La ĥordancistin' "
de Chekhov,
majstra verkisto,
kiu elmontras
la folan ridindecon
de l' homa kondiĉo.

Kaj l'anim' scivolas:
kial viroj kleraj
virinojn serĉas
ordinarajn dolĉe? 


Maria Nazaré de C. Laroca
São Paulo, 02/05/2013.