Escolhas
Na jornada da vida,
eu sempre escolhi os caminhos
qual ingênua borboleta desatenta,
Agora o difícil caminho não eleito,
sem aviso, me escolheu
e me atravessa ousado.
Elektoj
En la vojirado de l' vivo
mi ĉiam elektis la vojojn,
kiel naiva papilio senatenta.
Nun la malfacila voj' neelekita,
sen averto, min elektis,
kaj aŭdace min trairas.
Maria Nazaré Laroca
Juiz de Fora, 22/01/2023.
Brazilo
Pluen
Esperanto, amletero
liverita al la homaro
de l’ amema kuriero
el la kor’ de ĉies Frato!
Sed min trafis la donaco
nur en la jar’ du mil tri,
kiam voĉo en la kapo
aŭdiĝis tute surprize.
Pli ol propono jen ordono
por nepra studo de l’ lingvo
internacia, por ĉiam!
Malfermiĝis horizonto
per la magia ŝlosilo!
Mi traveturis la mondon
kaj kun multoj amikiĝis.
En pluraj mondaj kongresoj
partoprenis mi plezure,
kaj verdan kulturon festis
kun granda ĝojo kaj ĝuo!
Emociajn travivaĵojn
mi spertis en Bjalistoko
kaj en Bulonjo-ĉe-Maro,
ja neforgesebla gloro!
Tamen venis sortobatoj,
kaj mia vivo ŝanĝiĝis;
pro la dolor’ senkompata
al mi ne eblas foriri.
Ho, ve! Kia elreviĝo!
Ne plu kongresaj ĉeestoj,
sed l’aferon mi daŭrigas
entuziasme, amplene,
per poezia verdiĝo.
Maria Nazaré Laroca
Juiz de Fora, 09/01/2023.
