A Pablo Neruda _ Al Pablo Neruda

        Pablo Neruda (Parral, 12 de Julho de 1904 — Santiago, 23 de Setembro de 1973)

A Pablo Neruda

Tu estás aqui comigo,
frente ao mar
que te ama tanto,
Neruda!

E tento ver
os versos de espuma
que te saúdam...

Mas só tu
com teus olhos de estrelas
consegues lê-los.


Al Pablo Neruda

Ĉi tie vi estas
kune kun mi
antaŭ la mar’,
kiu vin tre amas,
Neruda!

Kaj vidi mi provas
la versojn el ŝaumo
kiuj vin salutas...

Tamen nur vi
per la stelokuloj
legi sukcesas ilin.


Maria Nazaré Laroca
Cabo Frio, RJ -  30/12/2013.

Tagiĝo

Senlime

en la lim'

de l’ koro,

mia mem’

Tagor(e)iĝas.

                                                                                    

Pro orakolo

venis Amor’,

kies glorkrono

tute trembrilas

kiel lunlumo.

Laŭ la spuroj  

de l’ Poeziprinco

survoje al ĝuo,

min trafas Reĝo.

Maria Nazaré Laroca

Juiz de Fora, 08/07/2014.

Avataro

                                                                 Al Rabindranath Tagore

Ho, Poeto,

transcenda voĉo,

kie Vi estas?

Mielo dia,

la melodio

de viaj versoj

amon elverŝas

sur la Teron,

Kaj Poezio

el rava fluto

per lum’ plenigas

mian vivon.

Maria Nazaré Laroca

Juiz de fora, 04/07/2014.

Al nekonata amato

Via rido starigas

Senegalan

Sorĉan staton

En la mondo.


Kaj tuj la birdoj

Eklernas la freŝon

De tiu nova kanto.


Kaj la floroj de l’ ĝardenoj

Ekdancas kiel papilioj

Printempmatene.


Tiam mi la ĝojon

De via kanto eltranĉas

Por tiun poemon

Lulkanti ĵusnaskitan.

Maria Nazaré de Carvalho Laroca

Juiz de Fora, la 31-an de Aŭgusto 2003.

(El Penseroj. Campinas: Wechsler Editora de Livros Ltda.pĝ.64

Kampino, Brazilo.2013)

Sem pressa _ Senhaste

Sem pressa

A vida pulsa em luz

nos jardins da alma

e um perfume se evola

da serenidade

que percorre as horas.

O tempo é uma miragem

na espuma do presente

que pergunta agora:

por que viver a urgência

se o fim é a eternidade?

Senhaste

Vivo vibras lume

en la animĝardenoj

kaj parfumo elfluas

el la sereneco

kiu horojn trairas.

Temp’ estas miraĝo

en la nuno-ŝaŭmo,

kiu tuj demandas:

kial urĝiĝi vive

se eternas ĉio?  

Maria Nazaré Laroca

Juiz de Fora,20/06/2014.

Meditado

                                                                        Saraswatī.
                                                                                                                               

                                                                            

                                                                Al Pradip Dutta

De antaŭ longe (jen konfes' kruda),

mia korpo kristalas fragile

por rompi la  ferŝtonan animon.

Paralele sur planko mi kuŝas

al la magneta kampo de l’ Tero:

kap’ al  nordo; piedoj al  sud’

por  transcendan muzikon  aŭskulti.

La melodi’ eniras la korpon;

la energio ritme ondumas

kaj senpense la menso plenŝvebas...

Plenigita de sonoj mi estas:

steleto dancanta en soleco.

Maria Nazaré Laroca

Juiz de Fora, 17/06/2014.

Santo Antônio _ Sankta Antono

Santo Antônio

Santo Antônio é o padroeiro da minha cidade, Juiz de Fora. No dia 13 de junho, feriado municipal dedicado a ele, o santo sai da igreja para receber as homenagens e pedidos dos devotos e pecadores. Muitas mulheres desejam casar-se e rezam por sua milagrosa intervenção. Dizem que ele ajuda também a encontrarem-se objetos perdidos. 
Hoje tirei uma foto da estátua de Santo Antônio, e pareceu-me que ele sorriu para mim com simpatia.
Por que não?!

Sankta Antono 

Sankta Antono estas la patrono de mia urbo, Ĵuiz-de-Foro. La 13-an de Junio, urba feritago al li dediĉita, la sanktulo foriras el la preĝejo por akcepti la omaĝojn kaj petojn de la piuloj kaj pekuloj. Multaj virinoj deziras edziniĝi kaj preĝas por lia mirakla helpo. Oni diras, ke li estas ankaŭ helpanto en la retrovado de perditaj objektoj.
Hodiaŭ mi fotis la statuon de Sankta Antono kaj ŝajnis, ke ĝi simpatie ekridetas al mi. 
Kial ne?! 

Maria Nazaré Laroca
Juiz de Fora, 13/06/2014.