Al Hermes Trismegisto

                     

Mi ekestis

En la senfina

Menso de Dio.

Mia esto

Enestas

En la nesto

De l' universo,

Kiu pulsas

En la nekonebla

Penso de l’ Tuto.

Mi mense

Vivas kaj aliiĝas

Perfekteble.

Transcendas

Mi proe, pere.

Maria Nazaré de C. Laroca

Juiz de Fora, 03/04/2013

Sezonoj

Spegule

Ĉielarkas

Rosgutoj

Kaj dancas

Sur ruĝaj

Rozujoj.

Sunbluas:

Printempo

Vekiĝas

Ĝardene.

Ie aŭtunas:

Ŝvebas dume

Tristaj folioj

Plorsingulte.

Maria Nazaré de C. Laroca

Juiz de Fora, 30/03/2013.

Livre-arbítrio / Libera volo

Livre-arbítrio

Perigosamente livre,

O pássaro-homem sempre volta

Quando quer para a gaiola.

Libera volo

Danĝere libera,

Birdo-hom’ ĉiam revenas

Enkaĝen kiam li volas.

Maria Nazaré de C. Laroca

Juiz de Fora, 30/03/2013.

Pasko

"Ĉu esti aŭ ne esti.

-  tiel staras

Nun la demando (...)” 

El Hamleto -William Shakespeare-

Tradukis L.L. Zamenhof)

Porĉiama sorto,

En la sino

De l’ morto

Trompema,

Vivo flamas.

Surprizitaj,

Mortintoj

Plu vivas

Alidimensie...

Vivo ruzas;

Mort’ forludas:

La plej vivplena

Mensog’ ĉiama.

Ĝis kiam?

Maria Nazaré  de C. Laroca

Juiz de Fora, 28/03/2013

Liberdade / Libereco

Liberdade

Há muito

existo em mim

e  me visto

jardineiro

e jardim:

meu corpo

é passageiro

que levo 

com zelo

aonde quero

no  aconchego

de minha

companhia. 

Libereco

Jen de longe

mi ekzistas

ĉe mi, vestita  

kiel ĝardenist’

kaj ĝarden’:

nedaŭran

mian korpon

kun amo

mi gvidas

kien mi volas

ĉe l’ komforto

de l’ akompano

mia mem.

Maria Nazaré de C. Laroca

Juiz de Fora, 21 /03/2013.

E-renkonto en Loreno

Tradicie kaj gracie,

En la Paraiba

Val’ floras Loreno:

Urbo kulturplena,

Kie verde flamas

La koro plej klera

 

De poetanima

Elstara kuracisto,

Nobela giganto,

Kiu tre bataleme

Vivigas Esperanton.

 

Sessilabas nomo lia,

Paŭlo Sergio Viana,

Kiel vers’ poezia.

 

La 10-an de Marto 2013,

Li inaŭguris historian

Esperantan renkonton

Tute neforgeseblan

Al ĉiuj koroj niaj.

 

Maria Nazaré de C. Laroca

San-Paŭlo, 11/03/2013.

San-Paŭlo

                                    MASP - Museu de Arte de São Paulo Assis Chateaubriand

L’ aero de mia urbo

malpli pezas ol la via.

Eĉ  sub  plej varma  suno

la vento  ĉiam zefiras,

kaj vilaĝe glatas vivo.

Kvazaŭ  ebria efiko

mi  ankoraŭ kapturniĝas

pro l’ ekscita rememoro   

de  ekĝojaj  korfrapoj

eĉ pro nura ekrigardo 

al  tia mirega ĉarmo

de via fama avenuo.

L’ aero de mia urbo

malpli pezas ol la via

sed soifas  kulturon

animo enlanda mia.

Maria Nazaré de C. Laroca

Juiz de Fora, 05/03/2013