Bondeziroj

Jarfino someras...

ĉevalrajd’ el ŝaŭmoj

gracie ondumas:

di’amanto mara

sub la gaja suno.

Eble nun vi dormas

sub mantelo frosta

de la nokto neĝa...

La jarfin’ someras...

La mondo rondiras

laŭ voj’ de l’esper’:

paco kaj milito

reve kunfratiĝas.

Maria Nazaré Laroca

Cabo Frio, 28/12/2014.

Calendário _ Kalendaro

Calendário

O tempo tece o futuro

com fios de sonho,

e o homem inaugura

o calendário voraz.

Os dias gorjeiam como canários

nas gaiolas  das horas;

dezembros embriagam-se

de janeiros frescos:

velas ao mar!

Mas como saber

se o que se vê

é crepúsculo

ou amanhecer?

Aprendi então

a recortar as trevas

para enxergar a aurora

em cada pôr de sol.

Kalendaro

Tempo teksas l’ estonton

per  fadenoj el revo

kaj homo  kalendaron

avidan inaŭguras.

Tagoj trilas, kiel kanarioj

en la kaĝoj de l’ horoj;

decembroj ebriiĝas

per freŝaj januaroj:

ek al  la maro!

Sed kiel scii

ĉu oni vidas

krepuskon

aŭ tagiĝon?

Tiam mi lernis  

eltranĉi la mallumon

por  l’aŭroron ekvidi

en ĉiu sunsubiro.

Maria Nazaré Laroca

Juiz de Fora, 24/12/2014. 

Feliz Natal ! _ Feliĉan Kristnaskon !

Feliz Natal!

Tempo de Natal. Na contramão do caos, uma suave onda de amor invade a Terra. A manjedoura silenciosa paira acima da montanha de iniquidades que soterram o orgulhoso coração dos homens.

Saturado de subversão filosófica e moral, o mundo ainda não tem ouvidos para ouvir a Boa-Nova de humildade alegre e pacífica.  Jesus, o sublime arauto das bem-aventuranças, não veio salvar a humanidade; mas ensinar o homem a salvar-se a si mesmo.

Feliĉan Kristnaskon!

Kristnaska tempo. Kontraŭe al la kaoso, milda ondo de amo invadas la Teron. Silenta staltrogo ŝvebas super la monto el maljustaĵoj, kiuj enterigas la fieran koron de l’ homaro.

Saturita de filozofia kaj morala malvirtigo, la mondo ankoraŭ ne havas orelojn por aŭdi la bonan novaĵon pri  feliĉa kaj paca humileco. Jesuo, la sublima heroldo de la feliĉpromesoj, ne venis por savi la homaron; sed instrui homojn por ke ili sin savu mem.

Maria Nazaré Laroca

Juiz de Fora, 21/12/2014.

Naskiĝo

¹⁰ “Kaj la anĝelo diris al ili: Ne timu; ĉar jen mi venigas al vi bonan sciigon de granda ĝojo, kiu estos al la tuta popolo; ¹¹ ĉar hodiaŭ estas naskita por vi, en la urbo de David, Savanto, kiu estas Kristo, la sinjoro.” 
(Luko 2:10-11)

Dum tiu nokto sublima

jen anoncas l’ anĝelo:

por la homaro naskiĝis

amo kaj ĝojo senfina.

Apud Maria, brutaro

kaj paŝtistoj sendormaj

adoras Tiun, Kiu venis

kaj por mi kaj por vi ĉiuj.

Tri Magoj al Li regalas,

glore al Lia reĝeco,

per oro, incens’ kaj mirho

ili ja Lin riverencas.

En plej ĉiela korteg’,

l’ anĝeloj ekkantas himnojn,

sed l’ Infan’ plue atendas

malfruan donacon mian.

Maria Nazaré Laroca
Juiz de Fora 15/12/2014.

Signoj

   Al  L.L. Zamenhof

Je l’ vojmezo de l’ urbaj ĝangaloj

l’anim de l’ mond’ vagadas

baraktante tra bruega lum’.

Kvankam l’arbareg’ ne obskuras,

ĝi vojiradas blinde

laŭ riveroj el fantomoj hidaj:

Perfort' regas, ĉifonas moral';

Senkapigojn barbarajn

oni spektas per televidilo.

Ho Di’! Kien la homaro iras?

Ĉu l’ mondanim’ fiaskis?

-  Ne! - krias idealo:

L’ espero pacience obstinas...

Maria Nazaré Laroca

Juiz de Fora. 08/12/2014.

Per la sorĉo de plenluno

Poemo premiita ĉe LA KONKURSO EN ESPERANTO: "POEZIO EL ĈIUJ ĈIELOJ" 

http://iconcorsidisamideano.altervista.org/

Per la sorĉo de plenluno

teksadas mi tiun kadron

el densaj ŝnuroj el pluv’

sur la tegment’ rajdanta.

Kaj mia lito el nuboj

ŝvebas en ĉambro malluma...

Mi ŝirmas min en la libro

ĝis paciĝi la furio,

kiu ronĝas la lunvizaĝon,

kiel  hostio splitita.

Per la sorĉo de plenluno,

tunelon infanaĝo fosas,

kie la bovejoj flosas  

kaj odor’,  kiu trairas

kaj vekas sekretan pordon

inter estant’ kaj estint’.

Maria Nazaré Laroca

Juiz de Fora, 11/01/2014.

Dankon, Adonis!

Dankon, Adonis!

Adonis Saliba estas

poezia oceano:

ne eblas per simplaj versoj

(nur riveretoj infanaj)

la dolĉan giganton danki.  

Adonis, nomo impona

pro la belec’ de l’ anim’;

ĉiutage flor’ burĝonas

el la luma koro lia. 

Maria Nazaré Laroca

Juiz de Fora, 29/11/2014.

                                                                       

 Naz'are

                                                               Adonis Saliba

Kial danki, amikino?

Plendisdona poetino.

El viaj amforoj,

vi pure elverŝas 

di'inspiran senhaltan kinon,

kiun ni spektas

tute perplekse,

kiel ĝuindan spiritan vinon.

Rulanta rivero, vi aspektas

kaj montras sin sen ia fino,

Dank´al Dio vi ekzistas,

Gaje, flamante, kaj disdonante

la artojn de via himno.

Naz'are, ni vin rigardas

flarante viajn vervajn kantojn.

Kaj sur la rokoj ni vin gravuros

far viaj eternaj admirantoj.