ESPERANTO

En la komenco estis la Vorto, kaj la Vorto estis kun Dio, kaj la Vorto estis Dio.  

                                                                              (Johano, 1:1)

En la komenc’ estis la Poeto
Ludoviko Zamenhof, tre saĝa,
kiu pro am’ vivigis la revon
per lingv’ unuigi la homaron.


Esperanto, lingv’ internacia,
fariĝis bela magia ponto
inter foraj popoloj diversaj.


Kaj sur la ĉiel’ de Esperantuj’
belsonaj vortoj flugas inspire
gaje festante la Poezion.


Maria Nazaré  Laroca
Juiz de Fora, 16/04/2013.

Brazilo  

Encontro _ Renkontiĝo

 Encontro

Na primavera do sonho,

Marquei encontro comigo:

Percorri caminho longo

De incertezas revestido.

Gerando estrelas de sangue,

Delira o verão na alma,

De trabalho forja insana,

E refinado prazer.

No horizonte o tempo acena

Doces luzes do outono...

Diviso um banco, um jardim:

E eu lá à espera de mim.

Renkontiĝo

Rendevui mi intencis

Kun mi, la  revan printempon:

Longan vojon mi laŭiris 

Per necertecoj kovritan.

Naskante stelojn el sang’,

Deliras  somer’  anime,

Laboron folan forĝante

Kaj plezuron rafinitan.

Horizonte tempo signas

Dolĉajn  lumojn  el  aŭtuno...

Ĝardene  benkon  mi vidas

Kaj  tie mi atendis min.

Maria Nazaré de Carvalho Laroca

Juiz de Fora, 15/04/2013.

AMAR _ AMI

Amar

O que te ofereço

É somente a falta

Do que busco em mim:

Não encontrei ainda.

Busco em ti meu mim,

Mas receio o encontro

Com o amor, anjo ou fera,

Que enleva e dilacera,

Embora nunca pronto.

Ami

Jen por vi mia propono:

Tia  nura  manko mia

Serĉata ankaŭ de mi

Sed ankoraŭ ne trovata.

Mi esploras min en vi

Sed la renkonton mi timas

Kun amo, anĝel’ aŭ best’,

Kiu ravas kaj disŝiras

Kvankam neniam ĝi pretas.

Maria Nazaré de C. Laroca

Juiz de Fora, 14/04/2013.

Vokaloj

En l' Esperanto-vortaro

Fasko da vokaloj lumas:

Belsonaj steloj memstaraj 

Kiuj silabojn vortumas.

Malgraŭ senco-teorioj

Laŭ ajna beletra libro,

Vokaloj klaras aŭ ne

Depende kaj de l’ radiko

Kaj de l’ poeto-intenco.

Pri asonanco mi legas:

Vokaloj montriĝas grupe;

Jen la klaraj I kaj E

La malklaraj O kaj U

Kaj meza vokalo A.

Esplorante vokalsencon,

Hazarde vortojn mi prenas:

El ili verŝos poemojn.

Nu, kara leganto mia,

Estos via la decido:

Ĉu la U en suno klaras?

Kaj malklaras O en floro?

Maria Nazaré de C. Laroca

Juiz de Fora, 13/04/2013

Kvazaŭdiro

Demiurg’, Poeto

La ŝnuron de revoj

Streĉas kaj ĵonglas

Per la leksikona

Sorĉa vortmondo.

Pajaco, orakolo,

Deliron li orbitas:

Jen nudiĝas vortoj

Kiuj stelfandiĝas

Kaj muzike elfluas

Kunĝuas kaj plezuras.

Rimoj kverelas

Aŭ ĉu ili kveras?

Poet’ apoteozas,

Entute metaforas.

Maria Nazaré de C. Laroca

Juiz de Fora, 11/04/2013.

Vortludo

La liro de l’ muzo

Poeziajn vortojn

Lirike ludas

Kaj dolĉe lirlas

Ili likvore.

Vortoj lirikaj

Sopire revas

Pri lilaj lilioj...

Tute  volonte

Kaŝitaj versoj

Poetojn dorlotas:

Poemoj estontas.

Maria Nazaré de C. Laroca

Juiz de Fora, 08/04/2013.

Filozofia ŝtono

Estas vera Paco

Ŝtono de saĝuloj

Kiun Amo prilaboras 

Svingante glavon

El fajro forĝitan:

Jen bona batalo

Kvankam  ja peniga.

Maria Nazaré de C. Laroca

Juiz de Fora, 06/04/2013.