Edziniĝo

Jen finfine aperas

Fianĉin’ ĉe preĝejo.

Ŝia blanka rob’ stelas

Kaj ravas ĉeestantojn.

Paŝante inter floroj,

Ja ŝi ludas la rolon

De l’ revemaj princinoj

El fefabelaj finoj...

La novedzina koro

Ĝuas do la feliĉon

De la momenta gloro.

Maria Nazaré de C. Laroca

Juiz de Fora, 15/02/2013.

Al arboj

Arboj staras ĉie

Kaj neniam foriras.

Silente kaj bele

Ili al mond’ utilas.

Meze de l’ bru’ infera

Sur avenuoj surdaj

Jen paciencon ili

Ja instruas humile.

Arboj floras, ornamas

Ankaŭ fruktas kaj nutras.

Ili ombras plezure

Kaj homojn tre regalas.

Engrunde fortas radikoj,

Enkape gastiĝas birdoj.

Ĉielen levitaj brakoj

Al Dio preĝas por paco.

Maria Nazaré de C. Laroca

Juiz de Fora, 13/02/2013

A morte da espatódea

Spathodea campanulata, seu nome científico. Tulipeira, bisnagueira, árvore de tulipas... Da África Central aos jardins públicos do Brasil, daí também o nome tulipeiro-da-áfrica.
Uma árvore carnavalesca. Ornamental, imponente. Nota dez no quesito adereço: de um alaranjado gritante e divertido.
As suas flores chamadas bisnaguinhas fazem a alegria das crianças, pois permitem esguichar o néctar qual uma arma de brinquedo. Dizem que tal líquido é uma substância alucinógena, nociva a pássaros e abelhas... mas não pesquisei o assunto.
Hoje de manhã, a rua em frente à praça estava interditada como em um acidente de trânsito. Horrorizada, vi os despojos da árvore assassinada; tudo devidamente cercado por uma faixa da prefeitura. O tronco decepado ficou lá em silêncio incompreendido, ao lado de uma exuberante amendoeira que fingia não perceber nada.
O chão estava coberto de tulipas como um tapete de atrevida alegria.

Maria Nazaré de C. Laroca

Juiz de Fora, 1º de fevereiro de 2013

Al Paul McCartney

http://letras.mus.br/the-beatles/213/




En mil naŭcent sesdek sep

Ĉarma kanzon’ furoris:

“When I’m sixty four”…

Kaj timiĝis mia esto

Pro tia temp’ tro for ...



Nu, jen mi sesdekkvara!

Pli juna ol antaŭe:

En kruĉ’ da Poezio

Verda Eliksir’ kulpas

Pri l’ ĝoj’ kaj l’ amikar’.



Maria Nazaré de C. Laroca

Juiz de Fora, 27/01/2013

Dubo

Marŝante tra l’ ĝarden’,

Patrin’ ameme puŝas

Sian infanĉareton.

 

Kaj mia penso flugas

Nepre al estont’, fulme…

Ĉu fil’ al flegist’ pagos

Por panjon rulseĝpuŝi?

 

Maria Nazaré de C. Laroca

Juiz de Fora /25 /01/2013

Animŝoko

Baraktas l’ animo

Kiel ŝnurdancist’

En ĥaosa vakuo:

 

Rekte de Esperantuj’,

El l’ Aragvajo,

Mi falis en l’ urbegon

Ŝtonan: San-Paŭlo.

 

La koro triste plukas

Streĉitan kordon

El ploro senbrua.

 

La lilioj ne plu vivas

En  ĝardenet’ strata

De la granda urbo...

 

Eĉ beleco bezonas

Morti por renaskiĝi

Pli perfekte bela.

 

Maria Nazaré de C. Laroca 

San-Paŭlo,  23/01/2013

Barra do Garças

En la kor’ de Brazil’,

Natur’ grandioza

Mirigas nin pompe.

 

Varmakvaj parkoj,

Arbar’, montar’ majestas

Kaj akvofaloj gloras.

 

Aragvajo river’,

La kotmantela reĝo,

Ritme fluadas lante

Kiel naturservanto.

 

Maria Nazaré de C. Laroca

Barra do Garças – MT  22/01/2013