Memórias _ Rememoroj

Memórias

Quando era criança,

Tocou-me a vida impecável

De Thérèse de Lisieux

Ou Santa Teresinha.

 

Então decidi ser santa...

Até fiz primeira comunhão

Em cerimônia na escola,

Com medo de ferir a hóstia,

Em êxtase também por causa

Da veste branca rendada.

 

Desejei tornar-me freira,

Sem alarde ou circunstância,

Mas ninguém soube até hoje.

 

E quem sou, digo sem pena:

Nem santa, doida ou profana;

Aspirante a poeta apenas.

Rememoroj

Kiam mi estis infano,

Min tuŝis la virta vivo

De Thérèse de Lisieux    

Aŭ Sankta Terezinjo.

Do mi decidis sanktiĝi ...

Kaj mi eĉ komuniiĝis

Ĉe lerneja ceremoni’,

Timante vundi hostion,

Ankaŭ ekstaze pro l’ vestaĵ’:

Mia punta robo blanka.

Mi revadis monaĥiniĝi,

Sen fanfar’ aŭ cirkonstanc’’,

Sed pri tio neniu eksciis.

Kaj mi estas tiu, kiu trumpetas:

Nek sankta, fola aŭ profana;

Nur je poet' aspiranto.

Maria Nazaré de C. Laroca

Juiz de Fora, 10/09/2013.

Maskoj

γνῶθι σεαυτόν

Por komponi vivbaladon

Tra l' eraoj, kiom da aroj

Da tavoloj necesas

Por priskribi l’ animon?



Kiom da maskoj por maski

La di-fajreron internan

Oni malkovrus per memkono?

Nu, jen la spegul’!

Demetu ni la maskon!

Laŭ sokrata instru’!



Maria Nazaré de C. Laroca

Juiz de Fora, 08/09/2013.

Elefantoj

http://www.youtube.com/watch?v=6egom_ADs9I

Gapas la tuta homaro

Al la funebra adiaŭo:

Ĉar amas’ da elefantoj

Omaĝis al Lawrence Anthony.

La koroj de l’ elefantar’

Unutonis dum vojirad’.



Post dutaga troto lanta,

La bestoj pelataj de am’

Kondolencis pro la morto

De la plej fidela amik’...

Kiel ili eksciis pri tio?



Maria Nazaré de C. Laroca

Juiz de Fora, 05/09/2013.

Infero

“L'enfer, c'est les autres.” Huis clos - Jean-Paul Sartre

“Infero estas l’ aliuloj.” Huis clos - Jean-Paul Sartre

Interna pejzaĝ’ korŝira:

Jen baraktas homoj

En mensa ŝlimej’

Kaj muldas inferon tie,

Kie ili volonte vivas.

Do malpravas Sartre,

Ĉar l’ infer’ ne aliulas...

La filozof’ tamen asertas, ke

Hom’ kondamnitas al liber’...

Tial danteca infer’ ne estas:

L’ esper’ ŝlosilas.

Maria Nazaré de C. Laroca

Juiz de Fora, 04/09/2013.

Imaginação _ Imagemo

"L'homme n'est qu'un roseau, le plus faible de la nature; mais c'est un roseau pensant.” (Blaise Pascal)  

Imaginação  

    "O homem é apenas um caniço, o mais fraco da natureza; mas é um caniço pensante."

      (Blaise Pascal)

Caro Pascal,

Sou bem mais

Que um simples

Caniço pensante:

Tubo uniforme,

Que come, bebe

E dorme.

Meus braços

Têm vocação

Para asas,

Mas é a alma

Que voa.

Imagemo

                     "Homo estas la plej malforta kano en la naturo, sed li estas kano pensanta."
                                                                                                        (Blaise Pascal)

Kara Paskal’,

Mi estas multe pli

Ol simpla

Pensanta kano:

Tubo unuforma,

Kiu manĝas, trinkas,

Dormas...

Miaj brakoj

Denaske

Flugilemas,

Sed estas nur

L’ anim’ kiu flugas.

Maria Nazaré de C. Laroca

Juiz de Fora, 02/09/2013.

Preta

Spite l’ uraganon,

Mi aŭskultadas la ostojn

Ĉar la spin’ knaras.

Vivu kaj lasu vivi,

Panjo, la filo diris.

Mi poeme rondvojas

Kaj la akson de mia mi’

Bonŝance mi trovis.

La mond’ estas merkat’,

Kiu min naŭzas, tamen

Mi trinkas la kolorojn

De l’ malavara natur’;

Geamikojn mi havas:

Jen plezur’ senpaga.

Maria Nazaré de C. Laroca

Juiz de For a, 1º/09/2013.

Mistero

                   

                                                                     Al Adélia Prado

Sur la dia orbito

Dialogas Poezio

Kaj Poeton Di’ allogas:

Poemoj aŭroras.

Maria Nazaré de C. Laroca

Juiz de Fora, 28/08/2013.