NASK 2013

                                                             

                                                        NORD-AMERIKA SOMERA KURSARO DE ESPERANTO 



Travivi


Esperantujon


Estas ĝui


Neimageblan


Amaferon.


Maria Nazaré de C. Laroca

Universitato William Peace - Raleigh, Norda Karolino.
La 29-an de junio 2013.

Langvoro

L’ amfor’ de l’ memor’

Ankoraŭ  lirle verŝas

La vinon de Amor’,

Kiu soifas verse.

Kaj la Poet’ plonĝas

En  ŝtorman ombron

De l’ nuda anim’,

Por elŝovi ŝpare

Lumfaskon  el  feliĉ’.

Maria Nazaré de C. Laroca

Juiz de Fora, 17/06/2013.

Destino

http://www.nazarelaroca.blogspot.com.br/2013/05/fado.html

Ŝmirita

Marist’

Narde:

La forĝ’   

En brust’

Doloren

Enakviĝas.

Jen kard’,

Jen dorn’,

Jen ŝarĝ’:

Jen epope’.

     Jen naŭz’

Sen paŭz’

Ponard’ :

Forpere’.

Maria Nazaré e C. Laroca

Juiz de Fora, 02/06/2013.

Panjo

Panjo estis bela,

Eĉ pli bela ol multaj

Holivudaj steloj.

Nun ŝi ne videblas

Sed l’ okuloj verdaj

Brilas alidimensie,

Kie ŝi plu vivas.

Al ŝi kore mi dankas

La sindonan akcepton

Kaj la lumgvidon nepran

Al mia ekest’ en mond’.

Maria Nazaré de C. Laroca

Juiz de Fora, 24/05/2013.

Maja naskiĝtago

Plenlunas ĉiam.

Dialogo venas

Per dia allogo:

Interparolo

Inter mi mem       

Kaj mia mio.

Baroka bardo,

Insula ardo,

Ne sola tamen

Ĉar nevideblajn

Najtingalojn

Verse mi ŝtelas.

Kaj ombr’ kaj lum’,

Kastor’ kaj Poluks’,

Duopas mi poezie:

Ĝemelaj animoj.

Maria Nazaré de C. Laroca

Juiz de Fora, majo / 2013.

Nova sento

Verda sun’

Jam ŝaltas

La horizonton

De l’ homar’.

Fadenojn el pac’

Facila vent’

Konduktas

Kaj kondukas

Ĝi al mond’

La esperon,

Por ke la tuta

Ter’ kondutu

Iam pli juste.

Maria Nazaré de C. Laroca

Juiz de Fora, 20/05/2013.

Ankoraŭ

 

Hieraŭ

Hodiaŭ

Morgaŭ

Ĉiam.

 

Ja ĉe mi

Vivtransir’

Laŭas nur

Per ankoraŭ.

 

Maria Nazaré de C. Laroca

Rio de Janeiro, 18/05/2013.

 

 

 

 

Tango

Vespero.

Ve!

Espero.

Vango.

Lango.

Sango.

Tango.

Gento.

Sento.

Tento.

Ento.

Oro.

Korno.

Dorno.

Koro.

Vorto.

Sorto.

Korto.

Morto.

Maria Nazaré de C. Laroca

Juiz de Fora, 12/05/2013.

Poetino

Antaŭ ol ŝi patriniĝis

Ekstaze ŝi poetis

Preskaŭ religie.

Pro tio ŝia viv’

Ĝue multobliĝis.

Neglektis patrin’

La gefilojn neniam

Tamen pri vortoj

Avide ŝi zorgas. 

  

La taskon sekretan

De l’ floroj kaj kolibroj

Ŝi ame kontrolas

Kaj  mondon magian

Paralelan spertas.

Ŝi flugas tra stelar’,

Kaj allogas marojn;

Dorlotas sunon,

Dancas kun plenlun’.

Ŝi kiam filo ploras,

Kuracas lin per kis’.

Kiam vundiĝas koroj

Ŝi naskas poezion:

Jen balzam’ patrina.

Maria Nazaré de C. Laroca

Juiz de fora, 11/05/2013. 

Sonato

La okuloj agresitaj

De tiom da blank'

De l' hospital' frida:

Olda paĉjo malsanas.

Vesperiĝas nun.

Mi lace hejmeniras

Kaj  atendas enue

Krepuskon grizan.



Subite mi ekvidas

Senstelan ĉielon

El turkiso juvelon

Kaj l' anim' helbluas:

Sonoriloj anĝelusas.


Maria Nazaré de C. Laroca
Juiz de Fora, 09/05/2013

Ventrodanco

Jen arabas dancistin’:

Alloge ŝi ventrodancas

Kaj la nudan ventron svingas.

Ŝia tutpasia flamo

Kokete moviĝas dance.

Ŝi ĉarme tordas la kokson

Ankaŭ manojn, fingrojn, ŝultrojn.

Hararo rondire flugas,

Vesto trembrilas volupte

Kaj la  okulojn mirigas

Ebriajn pro la muziko.

Maria Nazaré de C. Laroca

San-P aŭlo, 28/04/2013.

Ribelo

En festa Parnaso

Muzoj furoras.

Apolono, Dio

De l’ Lum’, de l’Art’,

Kunvokas Poezion

Por regi en mond’

Kaptita de perfort’.

Do amaso da poetoj:

Bardoj, aedoj, menestreloj

Jam heroe paradas.

Kaj per liroj ili bruligas

Vortojn danĝerajn:

Bombojn mortigajn,

Antaŭjuĝon, mizeron,

Troan korupton,

Murdojn kruelajn.

Vortaroj konvulsias

Por la granda fino.

Horizonte Poezion

Hierofant’ akceptas:

Espero renaskiĝas.

                 Maria Nazaré de C. Laroca

             Juiz de Fora, 26/04/2013.

Trapezo

Trapezo

Akrobatas anim'

kaj transsaltas

abismon.

Aktoras anim'

kaj arkanon

ĝi trafas.

Anim' vortojn

dresas sceneje:

anim'poetas.

Maria Nazaré de C. Laroca

Juiz de Fora, 24/04/2013

Spiralo

Homoj naskiĝas

Kaj ili serioze

Gaje folas

Dumvive.

Ili manĝas,

Dormas,

Amoras.

Homoj laboras,

Serĉas feliĉon,

Priŝercas vivon.

Ili kuracas ja

Mortigas kaj mortas;

Pilkludas infane,

Kaj ankaŭ sovaĝe

Por futbalo fervoras.

Homoj rolas humane

Ĉar ili naskas arton

Kaj ĝin ĝuas plezure.

Tamen homaram’

Ankoraŭ bezonatas...

Jen peniga vivtasko.              Maria Nazaré de C. Laroca

                                          Juiz de Fora, 22/04/2013.

Framo

En la poezia regno,

Esperantaj konsonantoj

Buntan mozaikon kreas

Por harmonion konstrui.

Floras l’ aliteracio...

Poetoj ludas kadence

Kaj vortojn kaptas senĝene:

Friskaj zefiroj burĝonas,

Kaj la birdar’ violonas.

Literoj zumas abele;

Frivolas nenia sono:

Ĉiu el ili ja brilas. 

Kaj por mi fini bonstile,

“Z” Zamenhofe zenitas.

                                    Maria Nazaré de C. Laroca

                                    Juiz de Fora, 20/04/2013.

Danco

Furioziĝas tempest’:

Zeŭso tondras fulmobrile

Kaj uragano orkestras.

Densa mallumego muĝas:

Orgie trumpetas ventoj,

Tremas vespertoj terure.



Tamen silentas natur’.

Baldaŭ ruĝe mateniĝos:

Pelas ĉaron Helios’

De kvar ĉevaloj sunbrilaj.

Irizaj diinoj tostas

Kaj kisas rozon kolibr’.



Maria Nazaré de C. laroca

Juiz de Fora, 18/04/2013.

Preludo

Aŭtun’ muzikas aprile,

Tediĝas virin' surstrate.

Susuras venteto frida,  

Ina korpo kaj anim’

Vitroŝrankojn ekrigardas

De l’ modobutikoj luksaj

Kaj preterpasas enue.

Milde sunas sur la haŭton

Dume pluvas sur animon.

Melodio adiaŭas:

Tristece laca virino

Tute plonĝas elreviĝon.

Maria Nazaré de C. Laroca

Juiz de Fora, 17/04/2013

ESPERANTO

En la komenco estis la Vorto, kaj la Vorto estis kun Dio, kaj la Vorto estis Dio.  

                                                                              (Johano, 1:1)

En la komenc’ estis la Poeto
Ludoviko Zamenhof, tre saĝa,
kiu pro am’ vivigis la revon
per lingv’ unuigi la homaron.


Esperanto, lingv’ internacia,
fariĝis bela magia ponto
inter foraj popoloj diversaj.


Kaj sur la ĉiel’ de Esperantuj’
belsonaj vortoj flugas inspire
gaje festante la Poezion.


Maria Nazaré  Laroca
Juiz de Fora, 16/04/2013.

Brazilo